هەڤپشکیەکا نێڤدەولەتی، پەیمانگەها ڕەند یاداشتنامەکا لێک تێگەهشتنێ دگەل دوو دامەزراوەیێن بریتانی ئیمزا کر
ب مەرەما ب هێزکرنا پەیوەندیێن ئەکادیمی یێن نێڤدەولەتی، پەیمانگەها تەکنیکی و پیشەییا ڕەند ل دهۆکێ رادگەهینیت کو یاداشتنامەکا لێک تێگەهشتنێ (MoU) دگەل هەردوو دامەزراوەیێن بریتانی (Kingsgate College) و (Atlantis Academy) ئیمزا کر.
ئەڤ یاداشتنامە ژلایێ بەرێز "ماهر بێسری"، ئەمیندارێ پەیمانگەها تەکنیکی و پیشەییا ڕەندڤە هاتە ئیمزاکرن. ئارمانج ژ ڤێ هەڤکاریێ بلندکرنا کوالیتیا خاندنێ و ئاڵوگۆڕکرنا شارەزاییێن زانستی و پەروەردەیی یە دگەل پیڤەرێن جیهانی، د پێناڤی دابینکرنا پاشەرۆژەکا گەش بۆ قوتابی و مامۆستایێن پەیمانگەهێ.
ئارمانجێن سەرەکی یێن ڤێ ڕێککەفتنێ پێکدهێن ژ پێشخستنا هەماهەنگییا زانستی و ئەکادیمی د ناڤبەرا هەر سێ لایەنان دا و ئاڵوگۆڕکرنا باشترین ئەزموونێن پەروەردەیی و راهێنانێ وئەنجامدانا وۆرکشۆپ و پرۆگرامێن راهێنانێ یێن هەڤپشک وپشتەڤانیکرنا دەلیڤەیێن ئاڵوگۆڕا ئەکادیمی بۆ قوتابی و مامۆستایان.